2007年東京公幹之旅（Day 4）- Part 2

返到酒店拾埋行李11點半check-out完，跟住行過酒店隔離嘅Airport Limousine Bus坐機場巴士去機場，巴士班次都好密架，10~15分鐘有一班車，去到先買飛，好似買地鐵飛咁，入錢入去自動售票機，然後按下個掣就有車飛出，仲有埋張收據，方便claim數。
繼續閱讀

2007年東京公幹之旅（Day 4）- Part 1

今日會坐下午3點半機去香港，然後再坐船回澳，所以上午都仲有時間去多一個地方行下，最後決定去上野，因為聽講果度買嘢食嘅手信又平又多款，為左有手信俾人，所以決定去呢樹囉。

話說尋晚開始唔係咁舒服，因為作感冒，成晚喉嚨鬼死咁痛，訓得唔好，而且仲校錯鬧鐘攪到唔知醒添，等到起身時已經係八點鐘。於是又拿拿林洗面換衫，落去快快趣趣食埋早餐出去。其實間酒店嘅早餐自助餐都唔係咁好食，淨係覺得佢D蜜瓜最正，所以今朝主要都係食蜜瓜做早餐。
繼續閱讀

2007年東京公幹之旅（Day 3）- Part 2

下午2點返到酒店，換完衫之後就先坐地鐵去銀座，由水天宮前去銀座要去三越前轉銀座線，不過中間要行成400米路，好長，車程加行路時間total用左15分鐘。
繼續閱讀

2007年東京公幹之旅（Day 3）- Part 1

同尋日一樣，今日一大早就起身，6點50分左右又坐車鐵出去，今次主要係去東京車站同埋附近嘅皇居外苑。由於今日計劃會去幾個唔同地方，所以前一日係酒店買左一張特價東京地鐵一日券，600円可以一日內無限次乘搭東京地鐵八條線，最後計返全日坐左六程車，如果散買加埋要1,020円，節省左420円。
繼續閱讀

2007年東京公幹之旅（Day 2）- Part 2

日本仔真係幾有時間觀念，plan左晚宴會係8點半結束果然就真係準時結束。8點9就坐返專車返酒店，因為呢個時間放晒工冇塞車，所以唔洗15分鐘就由六本木返到酒店。之前睇雜誌話六本木D聖誕燈飾好靚，但係車上沿途都唔覺有咩燈飾，之後去銀座、涉谷同新宿都唔多覺有咩聖誕燈飾。

返到酒店好快咁換埋衫，就即係出發去涉谷。今晚發現原來酒店地下就係地鐵站入口，好方便，等我今朝仲行左一段路去左另一個入口添。
繼續閱讀

2007年東京公幹之旅（Day 2）- Part 1

今日嘅schedule係9點半開始開會，中午有個半鐘lunch時間，下午又再開會，然後坐車去食dinner。由於逗留係東京嘅時間無多，所以想抓緊一D空檔時間去多幾個地方睇下，好為下次自己黎自由行探路。

所以今朝一早6點半（即係澳門時間5點半）就起身，然後由酒店附近個地鐵水天宮站坐左一個站去三越前站，睇下日本橋同東京車站附近景點。由於時間尚早，街上未有太多人，不過都已經有學生坐地鐵返學，而且有好多仲係5~6歲嘅小妹妹，單獨或者兩三個一齊坐地鐵返學，本來想影下佢地個得意樣架，不過怕俾人以為我想做咩，所以都係冇影佢地。
繼續閱讀

2007年東京公幹之旅（Day 1）

由於而家仲未有澳門直航日本東京嘅班機，所以只可以經香港飛去東京（不過就算有都唔一定夾得啱時間）。今次公司同我地買左下午3點幾嘅機票（點解唔買早D？），而且仲買埋中午12點半從澳門碼頭直去香港機場嘅機場噴射飛航船飛。

11點前到達碼頭，然後攪埋飛機check-in同行李寄倉，再係碼頭乾等個幾鐘，終於上得船。今次因為要提早買船飛，所以只可以買到頭等位，普通位俾旅行社hold住左，要等到船期10日前先會賣俾散客。
繼續閱讀

2007年東京公幹之旅（旅程結束@day4）

東京四日公幹終於係今晚結束啦, 今日下午3點半坐飛機返香港, 再轉機場噴射飛航返澳門, 返到屋企已經係11點半, 好累...好累...

 

趁住開部電腦upload相片, 順便寫返兩句作為總結, 詳細嘅行程介紹同埋靚相, 就要等遲兩日再慢慢post啦.

2007年東京公幹之旅（進行中@day3）

今日只係半日時間開會, 到中午12點會議結束, 之後去左東京交易所參觀兼食farewell lunch. 下午2點真正完晒所有工作, 可以有半日時間自由活動下.

其實今日朝早趁早餐前都出左去丸之內附近既皇宮外苑遊覽左一陣. 下午lunch之後, 主要係去銀座血拼(幫人買野), 之後返酒店抖抖食dinner, 夜晚就去左新宿行下, 見識見識歌舞技丁.

繼續閱讀

2007年東京公幹之旅（進行中@day2）

而家仍然仲係東京酒店房內.

今日係主要開會既一日, 所以今日既schedule主要係開會, 由朝早9點半去到下午5點幾. 跟住就係大會host安排既晚宴, 又係要social既場合, 不過今次唔洗食到好晏, 9點前就可以散席返酒店.

繼續閱讀

2007年東京公幹之旅（進行中@day1）

現在係11月28日零晨1點半(日本時間), 小弟現正身處日本東京酒店之內. 呢幾日小弟將會在東京公幹, 由尋日(27日)開始, 至後日(30日)結束.

由於今次呢間酒店房入面部電視有埋PC(應該係用PC作為電視先真), 而且可以免費上網, 所以趁未訓上網睇下野, 順便寫下野.

繼續閱讀