2007年東京公幹之旅（進行中@day1）

現在係11月28日零晨1點半(日本時間), 小弟現正身處日本東京酒店之內. 呢幾日小弟將會在東京公幹, 由尋日(27日)開始, 至後日(30日)結束.

由於今次呢間酒店房入面部電視有埋PC(應該係用PC作為電視先真), 而且可以免費上網, 所以趁未訓上網睇下野, 順便寫下野.

今次黎東京班機時間比較晏, 下午3點幾先從香港起飛, 到達東京機場已經係8點幾, 過埋海關都成9點半. 東京海關超多外國人入境, counter又唔多, 而家仲攪埋打手指模同影相, 攪到好慢, 足足排左成個鐘先入到境. 之後又要坐成個鐘的士先到酒店, check-in埋已經係11點, 好彩街度仲有食店開門.

由於聽日一早要開會, 所以趁而家未眼訓睇下D會議資料先.