2008年秋季京阪神紅葉＋白浜溫泉之旅（第八天） - 黑門市場、Rinku Premium Outlet (完)

2008年12月2日
大阪 > Rinku Premium Outlet > 關西空港 > 澳門

 
終於到左旅程最後一日，今日會坐夜晚八點鐘飛機回澳，所以仲有大半日時間可用，不過今日都冇Plan去遠既地方，主要會去黑門市場買返一d只可以臨上機前先可以買既生果帶返澳門，然後就去最後一站 – Rinku Premium Outlet搏殺。

 
因為黑門市場位於難波，所以要由梅田坐地鐵到心齋橋。去到心齋橋之後，先去好多人都話好食既神座拉麵食早餐，不過食完覺得佢d拉麵一d都唔好食，唔好話攞佢同一蘭或者一風堂黎比，就算之前係梅田食既一間不知名食站既拉麵都仲好食過佢。

繼續閱讀

2008年秋季京阪神紅葉＋白浜溫泉之旅（第七天） - 姬路城、神戶

2008年12月1日
梅田 > 姬路 > 姬路城 > 神戶 > 三宮、元町 > 神戶港 > 大阪
今日既行程係先去參觀世畀文化遺產姬路城，再去神戶食神戶牛和睇夜景。
去姬路坐JR特急要差唔多一個小時，單程車票好似要大約1,000円，所以用2,000円買返張一日關西JR-West Rail Pass用黎去姬路、神戶，再返大阪有著數，可以節省差唔多三分之一車費。

繼續閱讀

2008年秋季京阪神紅葉＋白浜溫泉之旅（第六天） - 奈良公園、春日大社、東大寺

2008年11月30日
梅田 > 奈良 > 奈良公園 > 春日大社 > 東大寺 > 心齋橋 > 梅田

今日既行程好簡單，上午去左奈良睇鹿、參觀春日大社同東大寺，下午係心齋橋Shopping。

 
由梅田去奈良，只需要坐去奈良方向既JR就可以直接去到，火車會先行大阪環狀線去到天王寺站，然後再駛向奈良，唔需要轉車架，車程大約一個小時。到左JR奈良站之後，可以直接坐巴士去奈良公園。

繼續閱讀

2008年秋季京阪神紅葉＋白浜溫泉之旅（第五天） - 海舟早餐、三段壁、千疊敷、ToreTore市場

2008年11月29日
海舟 > 三段壁 > 千疊敷 > ToreTore市場 > 梅田

 
第二朝起身之後，先浸個晨早溫泉先，然後就係早餐時間啦。

繼續閱讀

2008年秋季京阪神紅葉＋白浜溫泉之旅（第四天）III - 海舟：溫泉&晚飯

因為check-in時預約左8點先食晚餐，返到酒店仲有成三個鐘時間，唯有先係酒店內周圍行下浸下溫泉先。呢間酒店其中一個特色就係大堂有個地方，放左好多和服係度，有不同款式，住客可以隨便取來穿著，所以每浸完一次溫泉搵一次衫都冇問題架，我地都換左幾套，最後check-out時房入面就留低成房和服係度。

繼續閱讀

2008年秋季京阪神紅葉＋白浜溫泉之旅（第四天）II - 浜千鳥の湯．海舟、白浜

今晚住既溫泉酒店叫浜千鳥の湯．海舟，好似2007年10月才開幕，只有一年時間，真係好新，同埋好正，由ToreTore市場開車去大約20分鐘時間。

 

海舟算係白浜較高級既溫泉酒店，價錢比起其他都算係貴好多，今次我地係通過樂天訂房，因為有特價，一泊二食每人都係15,000円，不過呢個價都只係住佢最平果種房。

繼續閱讀

2008年秋季京阪神紅葉＋白浜溫泉之旅（第四天）I - 白浜自駕、ToreTore市場

2008年11月28日
梅田 > 白浜 > ToreTore市場 > 圓月島 > 海舟

 
今次關西之旅既重頭戲出場啦.....，就係自己由大阪開車去140公里外既和歌山縣白浜町浸溫泉囉。

繼續閱讀

2008年秋季京阪神紅葉＋白浜溫泉之旅（第三天） - 嵐山、心齋橋

2008年11月27日
梅田 > 嵐山 > 京都駅 > 心齋橋 > 梅田

 
今日既行程原本係計劃上午去京都嵐山，下午去二條城，然後再去貴船神社睇紅葉。但後來覺得京都既紅葉並唔係想像中咁靚，團友又想多D時間去shopping，所以下午既行程改為去心齋橋一帶行街。

繼續閱讀

2008年秋季京阪神紅葉＋白浜溫泉之旅（第二天）II - 清水寺夜間參拜

上一次黎京都既時候按照旅遊書介紹，去過位於河源町既魚心壽司食晚餐，當時真係覺得好正好好味，所以今次諗住再去回味，不過食完覺得D材料同味道同上次好似差好遠，所以今次都唔係食左好多，亦都冇影到相。

 

魚心壽司係梅田同道頓堀有分店，如果要去，記得print埋佢張coupon出黎帶埋去，賣單時俾佢就可以有九折架啦。

繼續閱讀

2008年秋季京阪神紅葉＋白浜溫泉之旅（第二天）I - 金閣寺、銀閣寺

2008年11月26日
梅田 > 京都駅 > 金閣寺 > 銀閣寺 > 清水寺 > 梅田

 
秋天關西既天氣都幾清爽下，呢幾日氣溫都係介乎7度至15度之間，除左早晨較凍之外，其實大部份時間都可以唔著褸。不過開頭幾日就冇乜陽光，個天陰陰地，都有D影響影相既質素架。另外，最唔好既地方係日落時間太早，下午5點之後就開始天黑，5點半周圍已經係黑媽媽，大大減少左遊覽既時間。

繼續閱讀

2008年秋季京阪神紅葉＋白浜溫泉之旅（第一天）

2008年11月25日
澳門 >> 關西空港 >> 大阪格蘭比亞酒店

 
今次係第四次到日本，亦係第二次到關西，選擇再去關西其中一個原因當然係因為澳門有機直飛，比起要拖住行李經香港飛真係方便好多架，另外亦都係由於上次去關西唔係紅葉季節，所以都希望可以再到京都感受一下佢係紅葉襯托底下既美景。

繼續閱讀