2007年台北、墾丁、高雄八天自由行(經驗小貼士&有用網址)

小貼士：

(1) [必備物品] – 暑假去台灣真係好熱好晒，一定要帶防晒、太陽帽、補濕、雨傘、蚊怕水（如果去九份同十分）。

(2) [換錢問題] – 換台幣最好係澳門銀行或者兌換店換，去到台灣機場同銀行既兌換價都低過澳門架，港幣換台幣只有4.08~4.09，係澳門換一般都有4.15以上。

繼續閱讀

2007年台北、墾丁、高雄八天自由行(Day 8)

9:00]酒店食早餐buffet（唔好食既） -> [10:00]食阿婆仔冰（麻麻地） -> [10:30]打狗英國領事館 -> [11:30]由鼓山坐渡輪到旗津 -> [11:40~2:00]遊覽旗津、食海鮮（味道一般） -> [2:00]坐渡輪返回鼓山 -> [2:15]食紅豆豆腐花（渡輪碼頭對面，好好味架！） -> [3:00]真愛碼頭遊船河睇高雄港（冇咩好睇 ） -> [4:00]市區買d手信 -> [5:00]返酒店取回行李 -> [5:30]坐的士去機場 -> [7:50]坐飛機返澳門啦（Delay左20分鐘）
繼續閱讀

2007年台北、墾丁、高雄八天自由行(Day 7)

[9:30]食早餐、收拾行李 -> [11:00~12:30]由墾丁坐的士去高雄（前一日叫老板娘幫手call的士，都係4個人一架車，不過今次平d，一個人只需要NT$300，仲車到酒店門口。） -> [12:30]酒店check-in -> [1:30] -> 統一夢時代、Lunch、HelloKitty摩天輪 -> [5:30]返酒店小休 -> [7:30]愛河遊船河 -> [8:30]六合夜市 -> [10:00]城市光廊（冇野睇既） -> [10:30]返回酒店
繼續閱讀

2007年台北、墾丁、高雄八天自由行(Day 6)

[7:30]食早餐（早餐係民宿供應既三文治加咖啡，都幾好食，最正係可以係房度個大露台對住大海食 。）-> [8:00~11:30]遊覽出火奇觀、佳樂水風景區、風吹海、龍磐公園、鵝鑾鼻公園、船帆石 -> [11:30]午餐 -> [12:15]返民宿小休 -> [1:00~6:00]遊覽海洋生物館、貓鼻頭公園、關山落日（天氣唔好，睇唔到靚日落 。） -> [6:00]返民宿小休 -> [7:30]行墾丁大街、食野 -> [9:00]返回民宿
繼續閱讀

2007年台北、墾丁、高雄八天自由行(Day 5)

[9:30]酒店check-out -> [10:18~12:06]由台北搭高鐵去高雄左營站（時速290幾公量，唔洗兩鐘就由北部去到南部。 ） -> [12:25~2:00]由左營坐的士去墾丁（本來打算坐大巴，但一出門口即刻有人問你坐唔坐的士，一架車四個人，每個人NT$400，只需要一個半鐘時間，比坐大巴少左一個鐘以上，仲送到旅館門口，而且只係貴少少，當然坐啦。 ） -> [2:00]到達墾丁民宿戀海126 check-in（第一次住民宿，感覺幾正，老板娘熱情招待，唔似住酒店，入到房，感覺比上網睇空間細左d，不過一樣咁靚，最正有個無敵大露台，180度全海景！ ） -> [2:30]先到墾丁大街醫下肚 -> [3:30]返民宿小休（好晒，都係等太陽冇咁猛先出去。 ） -> [4:30]行大灣海灘、小灣海灘、墾丁大街 -> [6:30]返民宿小休 -> [7:30]行墾丁大街、食野（其實墾丁除左個海靚之外，其他都唔係好掂；海灘唔靚又多垃圾，而墾丁大街其實係一條公路，係度行街吸埋好多廢氣，仲分分鐘有被車撞既危險 ；街上有一半食野既地方係食泰國野，究竟呢度係台灣定泰國？:感覺好似係芭堤雅，但就冇芭堤雅咁舒服。） -> [9:30]返回民宿
繼續閱讀

2007年台北、墾丁、高雄八天自由行(Day 4)

[9:00~9:45]坐台鐵去瑞芳 -> [10:00~10:15]坐公車去九份（巴士站就係火車站對面，單程車費NT$22） -> [10:15~12:15]遊覽九份（張記魚丸、阿娑芋丸同舊道口牛肉麵都好好味！:P ） -> [12:15~12:30]坐公車返回瑞芳火車站 -> [1:08~1:45]坐火車去十分 -> [1:45~3:00]遊覽十分、十分瀑布（由十分車站行去十分瀑布要大約半個鐘，來回加上睇景要預個半鐘時間；其實十分瀑布都冇咩特別，冇時間可以唔去；行得好辛苦，行到一半仲落大雨，好慘 ，好彩回程有白牌車坐，NT$120，都抵。） -> [3:30~4:05]坐火車返回瑞芳 -> [4:28~5:15]坐火車返回台北火車站 -> [5:30]回酒店小休 -> [7:15~10:50]再行西門町、睇戲（見有時間對腳又累咪係戲院街睇返套神奇四俠囉，超大銀幕加上數碼放影，好清好正，不過一張飛要成NT$270，都算貴。 ） -> [11:00]返回酒店
繼續閱讀

2007年台北、墾丁、高雄八天自由行(Day 3)

[9:00~10:00]二二八紀念公園、總統府、中正紀念堂（由酒店行過去，只係影下相。） -> [10:00]永華街鼎泰豐食小籠包（永華街唔近捷運，要坐的士去；本來諗住去埋附近冰館食冰，點知未開門，原來好多舖頭11點後先開門架。 ） -> [10:45]誠品信義店（好大好正既書店，澳門有就好啦… ） -> [11:45~12:15]國父紀念館（睇士兵換班） -> [12:30]Bigtom（食雪糕） -> [1:00~3:00]度小月擔擔麵（見到小S都係度食。）、東區粉圓（食得開心得齊，唔見左本旅遊天書添 ，死啦…之後d行程點算好… ） -> [3:20]返回酒店小休 -> [5:00]坐捷運到市政府站 -> [5:20]行誠品信義店其他店鋪 -> [6:15]101大廈、觀景台（入場卷NT$350，夜景比日景靚） -> [8:00~9:15]上閣屋日本自助餐（每人要NT$835，覺得唔好食同唔抵。 ） -> [9:30]行下附近Sogo -> [10:30]返回酒店
繼續閱讀

2007年台北、墾丁、高雄八天自由行(Day 2)

[8:30]食早餐（咁早搵唔到野食，食M記） -> [9:15]捷運台北車站搭捷運到新北投站 -> [9:45~11:00]北投（因為星期一溫泉博物館和地熱谷公園休息，白行一次。  ） -> [11:00]坐公車至陽明山 -> [11:30~1:00]遊陽明山（只坐遊園小巴行左個圈睇景，冇興趣睇山同行山既朋友建議不去為佳；陽明山山路真係好危險架 ，好彩架巴士冇跌落山崖。 ） -> [1:00]坐公車返回北投捷運站 -> [1:30]坐捷運到淡水 -> [2:00~5:30]遊覽淡水老街、淡水漁人碼頭（好多人；淡水既魚丸好好味 ，記得食返碗！） -> [5:45]坐捷運返回台北車站 -> [6:20]酒店小休 -> [7:45]坐捷運到劍潭站再轉的士到伍角船板 -> [8:15~9:30]伍角船板食dinner（野食一般，地方特別，好多香港人去，影左好多相 ；兩個人食左NT$1,220） -> [9:30]美麗華商場（有摩天輪坐） -> [9:45]坐接駁巴士到捷運劍潭站 -> [10:00]士林夜市（食多碗牛奶綿冰，今次食芒果，不過冇紅豆咁好味。） -> [10:30]返回酒店
繼續閱讀

2007年台北、墾丁、高雄八天自由行(Day 1)

[12:10]澳門機場 -> [1:50]台北機場 -> [4:10]酒店check-in -> [5:00]台北車站（預購高鐵/台鐵車票） -> [5:30~7:30]西門町（西門町一帶主要由幾條街組成，唔係好大，幾好行；記得食阿宗麵線，好好味！ ） -> [7:30]酒店小休 -> [8:30~10:30]士林夜市（系捷運劍潭站對面，唔係士林站啊！千奇唔好安排系星期六日晚去，因為會超多人，迫死！ 記得食返碗紅豆牛奶綿冰，超好味 ，記得係綿冰，唔係刨冰喎！） -> [11:00]返回酒店
繼續閱讀

2007年台北、墾丁、高雄八天自由行(費用篇)

今年六月中放大假，去左台灣自由行。今次係第一次去台灣，感覺真係幾唔錯，有機會都會再去。

今次成個行程包括台北、墾丁同高雄三個地方，玩左8日7夜，唔計買手信，每人用左MOP7,240 (因為系台北住左四晚凱撒，每晚要MOP875，如果改住其他平d既，例如華華或天成，每個人應該可以用少MOP600左右)。

繼續閱讀