2007年台北、墾丁、高雄八天自由行(Day 4)

[9:00~9:45]坐台鐵去瑞芳 -> [10:00~10:15]坐公車去九份（巴士站就係火車站對面，單程車費NT$22） -> [10:15~12:15]遊覽九份（張記魚丸、阿娑芋丸同舊道口牛肉麵都好好味！:P ） -> [12:15~12:30]坐公車返回瑞芳火車站 -> [1:08~1:45]坐火車去十分 -> [1:45~3:00]遊覽十分、十分瀑布（由十分車站行去十分瀑布要大約半個鐘，來回加上睇景要預個半鐘時間；其實十分瀑布都冇咩特別，冇時間可以唔去；行得好辛苦，行到一半仲落大雨，好慘 ，好彩回程有白牌車坐，NT$120，都抵。） -> [3:30~4:05]坐火車返回瑞芳 -> [4:28~5:15]坐火車返回台北火車站 -> [5:30]回酒店小休 -> [7:15~10:50]再行西門町、睇戲（見有時間對腳又累咪係戲院街睇返套神奇四俠囉，超大銀幕加上數碼放影，好清好正，不過一張飛要成NT$270，都算貴。 ） -> [11:00]返回酒店