《2010年新春台北之旅》- 第四天 - 鼎泰豐

[ 2010年2月17日 (星期三，年初四)；天陰有雨；氣溫：around 15度]

 

好快又到左旅程最後一日，今日又係好晏起身。雖然丹迪旅店有包早餐，不過我地今日要去食小籠包，所以唔係旅店食。我地先攪左check-out，將行李寄存同埋拜託旅店幫我地接收李儀餅店送黎嘅手信之後，就由丹迪旅店直接坐的士去永康街鼎泰豐。

繼續閱讀

《2010年新春台北之旅》- 第三天(2) - 西門町睇戲

去到西門町都係食下繼光雞、阿宗麵線呢D小食，跟住又周圍行下咁。不過因為雨太大，唔係咁想係條街行，所以選擇左去戲院睇返套戲。

 

去到樂聲戲院接近七點，咁啱有一場七點鐘嘅“波西傑克森：神火之賊”。問左賣票個姐姐，播影嘅影廳可以坐成一千人，而且仲有好多位剩，當然即時决定入去睇啦，因為唔係3D，票價只係NT$270，不過都貴過澳門好多。

繼續閱讀

《2010年新春台北之旅》- 第三天(1) - 烏來泰雅婆婆、五分埔shopping

[ 2010年2月16日 (星期二，年初三)；天陰有雨；氣溫：around 13度]

 

因為係山上而且又落雨嘅關係，呢一晚訓得好舒服，訓左足足12小時。因為尋晚領教過佢嘅食物，所以今朝都唔敢再去食旅館嘅早餐。起身之後再浸多次溫泉，大約11點就check-out走人。

 

因為未食早餐，所以返到烏來老街之後，我地先去搵地方食嘢。按照旅遊書介紹，我地去左泰雅婆婆美食店。叫左竹筒飯、排骨湯、麻油雞同埋一碟清炒龍鬚菜，總體味道一般啦，食左NT$440。

繼續閱讀

《2010年新春台北之旅》- 第二天(4) - 烏來三好米溫泉會館

打完電話去旅館之後5分鐘，三好米溫泉會館架私家車就黎到約定地點接我地，架車車身有三好米字眼，好易認得出。

 

繼續閱讀

《2010年新春台北之旅》- 第二天(3) - 烏來勇士廣場

台車嘅車程大約只有5分鐘，好快就到達勇士廣場嘅台車站。

 

繼續閱讀

《2010年新春台北之旅》- 第二天(2) - 烏來老街

從烏來公車總站向前行大約150米就係烏來老街入口，街口有一間全家便利店。

繼續閱讀

《2010年新春台北之旅》- 第二天(1) - 前往烏來

[ 2010年2月15日 (星期一，年初二)；天陰有雨；氣溫：around 13度]

 

今日會由台北去烏來，因為唔洗趕時間，所以打算11點先chech-out。丹迪旅店嘅房租係包埋早餐架，所以起身之後先落地下飯廳食早餐。早餐係自助餐形式，不過食物只有幾款，味道過得去咁啦。

繼續閱讀

《2010年新春台北之旅》- 第一天(4) - 美麗華影城

今年以黎最中意嘅電影係阿凡達，只可惜澳門冇3D影院，只係睇左2D。所以今次到台北其中一個節目就係去睇返次阿凡達3D。上網搵過資料，原來台北美麗華影城嘅iMax影院係東南亞最大嘅，所以一於就去見識下。

繼續閱讀

《2010年新春台北之旅》- 第一天(3) - 度小月

介紹完酒店，係時候寫返第一日嘅行程。我地將行李寄存係旅店之後，就即刻出發去食午餐。之前睇天氣報告話台北有雨，但係呢一日就不知幾好天，仲有太陽添，以為好正啦，點知之後就. . . . .日日落雨。

 

最近丹迪旅店嘅捷運出口係中山站3號出口，就係正新光三越本館門口，由丹迪旅店行過去只係300米左右，不過要留意呢個出口冇扶手電梯，如果拖住行李就千其唔好行，可以行前少少去新光三越2館隔離嘅1號出口，果度就有扶手電梯。

繼續閱讀

《2010年新春台北之旅》- 第一天(2) - 丹迪旅店天津店(房間篇)

介紹完丹迪旅店嘅公共地方，係時候介紹房間啦。丹迪旅店總共只得30間房，由平到貴分為標準客房、精緻客房、豪華客房以及精緻雙人房四類，房租由NT$2,000至NT$3,000，不過新年期間就比平時貴3成。

 

今次上網book房時年初一果晚只剩返一間精緻客房，而年初三果晚就只剩返一間精緻雙人房，所以今次有機會住兩種唔同類型嘅客房。

繼續閱讀

《2010年新春台北之旅》- 第一天(1) - 丹迪旅店天津店(大堂篇)

[ 2010年2月14日 (星期日，年初一)；日間天晴，晚上微雨；氣溫：around 15度]

 

終於等到虎年大年初一啦，因為要坐朝早7:35飛機，所以年三十晚食完團年飯之後，就返屋企訓覺，連賭場都唔去。

繼續閱讀

《2010年新春台北之旅》- 訂房篇

最近幾年每年農曆新年嘅指定節目都係去新開嘅賭場、酒店觀光，已經開始有D厭。所以今年趁住有連續5日假期，決定出去走一走。

 

本來經過上次聖誕節首爾之旅之後，已經打算唔再係大時大節嘅日子出遊，但係到有長假期時又再心思思，所以最終都係決定照去。雖然機票酒店樣樣都比平時貴幾成，但係旅行社照樣人山人海，年三十同初一去日本已經冇晒機位，去台灣都只得年初一有機位，而且仲要2千3百幾蚊。本來打算唔去架啦，但係又有D心有不甘，所以試下去嘉盛問下，一問之下原來air macau係年初一朝早有班加班機，來回機票連稅同埋燃油附加費都只係MOP1,870，於是即係拍板買左機票先。

繼續閱讀