馬年大年初一：決戰永利、MGM

入賭場小試牛刀試試運氣係每年新春例牌節目，今年戰場選址新口岸嘅永利同MGM，可惜今年財運不濟，發唔到新年財，小輸一千當開年。

 

今年冇揸車，行去關閘坐發財巴。

 

大年初一強國大軍主力仲未殺到，坐發財巴嘅人唔多。

 

第一站先到永利

 

永利吉祥樹今日換左個火龍造型

 

睇完火龍殺入賭場，可惜首仗敗陣，輸左五舊，轉戰下站美高梅。

 

MGM戰果同樣不利，又輸五舊，一年一次嘅的小賭活動今年奉獻一千大元收場，下年再會。

 

奉獻後做返D正常活動，MGM魚缸今日有真人美人魚。

 

場內仲有其他活動攤位

 

樓上有個"波提切利之《維納斯》：女神時代"畫展

 

睇完嘢去high下tea，結束今日行程。

 

順便一提，MGM裡面都有免費WiFi可以使用，不過要填寫手機號碼用來接受登入密碼。