2012年巴黎、倫敦雙城之旅 – Day 10：大英博物館

話咁快就黎到呢次巴黎、倫敦自由行嘅最後一日，返香港嘅航班係夜晚8點起飛，所以今日都仲有大半日可以用，我地就用呢半日時間去埋大英博物館(The British Museum)。

 

出發前係酒店Check-out左先，然後將行李寄存係酒店，之後再坐地鐵去大英博物館。今朝嘅早餐係大英博物館附近食，又係英式早餐。

 

大英博物館(The British Museum)正門

 

大英博物館收藏左從世界各地搜括返黎嘅文物，按照唔同地區分為唔同展館。

 

本黎打算坐地鐵去帕丁頓轉坐火車去希斯洛機場，不過最後都係坐的士直接從酒店去機場，呢程的士坐左70幾英鎊，超貴。

 

到航空公司櫃台Check-in之前要先去攪退稅，希斯洛機場Terminal 3嘅退稅辦事處係E入口旁邊，排隊嘅人超多，最少要排成個鐘。

 

去到退稅辦事處櫃台要出示係歐盟購買嘅退稅商品、填好左嘅退稅單，如果選擇退到信用卡，亦要出示張信用卡。

 

係退稅辦事處檢查左商品同收左張退稅單之後，就可以去辦理登機手續同寄存行李。

 

如果選擇退現金，就要係過左海關之後係候機室嘅VAT Refunds櫃台出示蓋左印嘅退稅單攞現金。

 

機場候機室

 

係英國嘅最後一餐

 

- Day 10 完，旅程結束 -

 

Related posts:

• 倫敦通行證(London Pass)： 倫敦自由行必買！ - 如何購買倫敦通行證
• 倫敦旅遊交通費慳錢攻略：應該購買 Oyster 還是 Travelcard？
• 住@倫敦St Ermin's Hotel - MGallery Collection