2013年首爾賞楓自由行 - Day 4 (Part 1)：德壽宮

今日嘅行程都係上午遊景點，下午行街shopping。景點係位於市政廳廣場對面嘅德壽宮，雖然已經心裡有數德壽宮旁邊嘅石牆路紅葉已經落晒，但作為一個景點德壽宮都值得一去；而下午就會去年青人中意去行街shopping嘅梨大、宏大。

 

呢間叫Isaac嘅小店位於退溪路接近南大門路嘅位置，雖然唔近我地住間酒店，但係網上見人食得津津有味，所以今朝專登行過去食早餐。

 

由兩塊方包夾住唔同嘅餡料，有甜有咸，不過呢度冇位坐，買左之後只可以企係街邊食。

 

從明洞過去德壽宮距離其實一D都唔遠，行10-15分鐘應該已經可以去到，不過我地都係坐的士過去，但係因為塞車坐左4個字先去到。

 

德壽宮旁邊就係地鐵站出口

 

韓國雞仔餅

 

德壽宮入場券只係1000韓圜，超抵。

 

大漢門係德壽宮正門，有守門兵可以合照。

 

踏入大漢門，係一條紅葉路，不過基本上已經落晒葉，沿路舖滿落葉。

 

樹上剩返嘅紅葉亦開始枯萎

 

德壽宮主殿中和殿遺址

 

呢個光明門應該係個門口，不過而家只係剩返個門。

 

坐係銀杏樹下好有詩意

 

德壽宮裡面有兩座古宮殿採用西式建築，不過有一座維修緊。

 

德壽宮最入面有一座小山，不過好少遊客行入去，我地八八卦入左去睇，估唔到係呢度山邊仲有幾棵好紅嘅紅葉樹。

 

德壽宮旁邊嘅石牆路係首爾紅葉勝地，不過紅葉經已落晒，冇嘢睇囉。

 

德壽宮對面係市政廳前嘅廣場，適逢呢度攪緊農品展，過去睇下先。

 

- Day 4 未完，待續 -

 

相關文章：

• 首爾明洞酒店推介
• 住@首爾明洞天空花園酒店(Hotel Skypark Central Myeongdong Seoul)
• 2009年聖誕首爾之旅