2013年首爾賞楓自由行 - Day 3 (Part 1)：南山公園睇紅葉

今日嘅行程主要去南山公園睇紅葉，雖然南山係首爾欣賞紅葉嘅勝地，不過十一月中首爾嘅紅葉已經所剩無幾，但都仲有唔少靚景可以影返幾張靚相。我地住係明洞，自不然係選擇行過去坐南山腳嘅傾斜電梯上去南山纜車站，點知遇著電梯維修~_~。

 

今朝去明洞餃子食早餐

 

食完早餐我地就行過去南山三號隊道旁邊嘅傾斜電梯，打算坐呢部電梯上去南山纜車站坐纜車上南山公園。

 

係退溪路同南大門路交匯嘅十字路口行斑馬線過前面馬路，向隊道方向行去就係電梯所在位置。

 

去電梯要行右手邊馬路旁邊嘅行人路，呢段路有少少斜，不過唔算好長。

 

終於到達電梯啦

 

點知......電梯維修中...... ~_~

 

原來南山三號隧道旁嘅呢部傾斜電梯而家每逢星期一上午9點至中午1點會進行例行維修架。

 

我地黎到果陣都仲未到12點，唔通要等佢成個鐘。唯有行電梯旁邊呢條長樓梯上去。

 

望返落去

 

從纜車站望上南山山頂

 

纜車站售票處

 

上山頂嘅單程飛

 

等上車

 

從纜車站上去南山公園有一段樓梯要行

 

南山公園上嘅風火台

 

係南山公園可以居高臨下睇到首爾嘅景色

 

雖然已經過左紅葉滿開嘅時間，而且大部份樹已經落晒葉，但都仲有幾棵有紅葉睇下。

 

由落葉堆成嘅心，好Romantic。

 

N Seoul Tower上嘅首爾吉祥物

 

首爾塔旁邊嘅欄杆掛滿左情侶嘅連心銷，好壯觀。

 

從呢條路行落去就係巴士站，因為條路超斜，如果坐巴士上南山公園，落車之後行上黎真係會索晒氣，所以上南山最好都係坐纜車上，坐巴士落。

 

雖然已經過左季節，但呢段路D紅葉景都仲係好靚。

 

- Day 3 未完，待續 -

 

相關文章：

• 首爾明洞酒店推介
• 住@首爾明洞天空花園酒店(Hotel Skypark Central Myeongdong Seoul)
• 2009年聖誕首爾之旅