2011年秋日本北九州自駕遊 - Day 3 (Part 2)：湯布院

遊覽完別府地獄之後，我地要離開別府去下一站湯布院啦。從別府去湯布院有高速公路連接，車程只需要50分鐘左右，超方便，而且高速公路路面寬闊，好好行。

 

 

出左高速公路之後仲要行多一段一般道路先到湯布院，呢度周圍都係山地，平地唔多所以路面比較窄，再加上呢度有個自衛隊基地，所以不時會有軍車出出入入。

 

湯布院嘅景點主要分佈係JR由布院駅至金鱗湖之間大約1.5公里嘅溫泉街上，附近有唔少大大小小嘅停車場可以泊低架車。

 

係路邊小舖買嘅燒牛肉串，不過味道麻麻。

 

溫泉街嘅盡頭係金鱗湖，聽講係湯布院溫泉欣賞紅葉最靚嘅地方，不過我地去果陣仲未見到紅葉。

 

之後去左旅遊書介紹呢間B-Speak買蛋糕攞返酒店食

 

另外又去左買由布高原布旬

 

跟住就返去今晚入住嘅溫泉旅館由布院温泉 朝霧のみえる宿 ゆふいん花由，詳細介紹可以睇返呢篇住@由布院温泉 朝霧のみえる宿 ゆふいん花由。

 

- Day 3 完 -