2013年清境、台北自由行 – Day 3 (Part 1)：清境雲海

我地係清境只會逗留一晚，今日打算去埋清境小瑞士花園就返去台北。本來諗住訓晏D食埋早餐先出去行下，但係身處鄉村地方個人特別容易早起。不過如果唔早D起身，咁靚嘅美景就未必睇得到啦。

 

尋日Check-in嘅時候服務員同我地講我地間房係香格里拉音樂城堡唯一一間可以睇到少少日出嘅客房，原來係真架。

 

除左可以睇到少少日出之外，我地間房仲望到少少碧湖，即係萬大水庫。係剛剛日出嘅時候湖上面有好靚嘅雲海，不過太陽一出，雲海好快就會消散架啦，真係要快手D睇多幾眼。

 

行出民宿，出面感覺好有英國鄉村Feel，而且早上嘅空氣好清新，吸多幾啖人都醒神D。

 

由香格里拉音樂城堡行50米左右就係呢間叫明琴清境嘅民宿，呢度位處山邊，可以睇到成個碧湖。就算唔係住客都可以入去佢個庭園度參觀，冇人阻止，不過事實係咁早除左我地之外冇其他人係度，所以當然冇人理我地啦。

 

近距離觀賞碧湖上嘅雲海比係房間睇壯觀好多

 

隨住陽光出現，雲海亦好快退去。

 

明琴清境旁邊亦有個小小嘅薰衣草園

 

係附近行左一陣之後係時候返去食早餐啦，早餐情況詳細可再睇返呢篇住@清境香格里拉音樂城堡，呢度只係post幾張主要照片。

 

因為民宿附近冇咩其他地方好玩，所以我地決定食完早餐就提早走人。Check-out之後民宿有車車我地去返國民賓館。

 

>> Day 3 未完，待續......

 

Related posts:

• 住@清境香格里拉音樂城堡
• 台灣清境民宿推介