2011年沖繩快閃觀禮之旅(Day 2[租車篇] - 萬士得租車那霸久米店、沖繩自駕遊Go)

呢次旅程雖然得果短短四日，不過除左第一日之外，其餘三日我地都會自駕。今次因為人多所以需要租用七人車先夠坐，我地總共有8個大人3個細路，所以租左兩部七人車。

 

為左租到指定車款，今次選擇係萬士得租車店嘅官方網站直接租車。除左希望租到確定車款之外，選擇係萬士得租車仲有兩個原因，第一係佢做緊Promo，Premacy七人車只係4,876円一日，仲要送埋價值1,050円一日嘅免責補償制度保費；第二係萬士得租車店嘅那霸久米店超近的地住嘅酒店Okinawa Nahana Hotel and Spa，由酒店後門直去100米就到。

註：呢張係響Google Map度嘅萬士得久米店門口實景圖片，掛住取車自己冇影到相

 

因為遲左book車，所以我地只可以訂到一部R1 Class嘅Premacy，另一部唯有訂高級D嘅R2 Class嘅MPV，呢部要7,115円一日，都係包埋價值1,050円一日嘅免責補償制度保費。

 

呢架就係我地租嘅Mazda Premacy

 

呢架就係我地租嘅Mazda MPV

 

MPV比Premacy高級D，座位係皮做，感覺上亦比Premacy有力，但係就比Premacy食油，我地行左三日，最後入油時Premacy唔洗4,000円，而MPV就要5,000円。車廂空間兩架車差別唔大，不過MPV中間果排座位係兩張有獨立扶手嘅座椅，雖然高級D，但係就只可以坐到2個人，而Premacy就係一排過，坐3個大人都冇問題，如果有5個人，租Premacy啱D。

 

今次旅程因為人多太多嘢要兼顧，所以攪到冇時間去影酒店同車輛呢D相。

 

To be continued…