如何通過ZUJI網訂購機票(廣東話版)

由於而家大部份航空公司都已經採用電子機票(e-ticket)，所以購買機票已經唔需要好似舊時咁要親身跑去航空公司或者旅行社購買。只要你有上網設備，透過網上平台，選擇好機位，輸入乘客資料以及透過信用卡付款之後，就可以完成購買機票嘅程序，過程唔洗10分鐘，方便快捷。

更新：本文已過時，請閱讀已更新的新文章：Zuji香港網站購買機票教學。

而家多數航空公司都係自己網站上設有網上訂票功能，不過機票價格一般較貴，而且要比較唔同航空公司嘅價格，就需要分別上去各間航空公司網頁逐一比較，過程麻煩之餘仲非常費時失時。所以，通過一D專做網上訂票業務嘅網站購買機票，會係唔錯嘅選擇。通過訂票網站一般可以即時比較到同一航線不同航空公司嘅機票價格，節省時間之餘又可以為你搜尋最低價機票，而且訂票網站好多時會推出一D優惠，價格通常比起透過航空公司或者旅行社購買平。

係眾多訂票網站之中，ZUJI（足跡）網相信係其中一間較有名較多人認識嘅網站。ZUJI專做機票、酒店以及旅行套票嘅網上訂購業務，另外亦有做埋租車以及購買旅遊保險等旅遊產品嘅相關業務。ZUJI係全球多個國家及地區設有網站，而香港網站就提供中國大陸、香港、澳門以台灣地區嘅網上訂票服務。

 

以下為大家介紹通過ZUJI網訂購機票嘅方法：

 

更新：本文已過時，請閱讀已更新的新文章：Zuji香港網站購買機票教學。

 

[Step 1] 登入ZUJI網主頁。

註：雖然ZUJI網亦有中文網頁，但英文網頁嘅資料較為齊全。

[Step 2] 係主頁左邊嘅Search版面內選擇“Flights”，然後選擇出發地機場、目的地機場、出發日期、回程日期、機票種類（單程或來回）、乘客人數；然後按「Search」按鈕進行搜尋。


[Step 3] 系統搜尋出符合條件嘅機票資料後，會係上半部份顯示最低價格嘅幾間航空公司嘅機票資料。其中，“Direct”表示直航，“One stop”代表需停留一站轉機；而當中所顯示嘅價格係未包稅及附加費前嘅淨機票價格。


註：上半部並未顯示所有符合條件嘅航空公司及機票資料，畫面下半部會按價格由低至高顯示所有符合條件嘅航空公司及機票資料，如果數量太多，可能分幾頁顯示。

[Step 4] 從上一步中系統搜尋出黎符合條件嘅機票資料中選定要訂購嘅機票後，按「Select」按鈕進入下一步。


註：機票資料中除顯示航空公司名稱、飛機班次、來回程起飛及到達時間、飛行時間等資料之外，亦會清楚標示淨機票價格以及包含稅項及附加費後嘅總價格。

[Step 5] 系統會顯示目的地嘅酒店資料，如果想以旅遊套票形式購買，可以選擇住宿酒店，如果只打算淨買機票，可點選“No thanks, I don’t need a hotel”，然後按「Continue」按鈕進入下一步。


[Step 6] 系統會顯示購買旅遊保險選項，如果唔打算通過ZUJI購買旅遊保險，可點選“No thanks, I already have travel insurance”，然後按「Select」按鈕進入下一步。


[Step 7] 輸入乘客姓名（必須要與passport上嘅姓名相同），選擇特別要求（如果需要），例如特別協助、素食等等；然後點選“I have read and agree……”方格，再按「Continue」按鈕進入下一步。


[Step 8] 根據情況，選擇“I’m an existing member”（如果以前曾經通過ZUJI訂過票），或“I am an new customer”；如果選擇“I’m an existing member”，輸入上一次訂票時使用嘅電郵地址以及登入密碼，然後按「Sign in」按鈕進入下一步；如果選擇“I am an new customer”，輸入用作通信嘅電郵地址以及登入密碼，然後按「Sign in」按鈕進入下一步。


[Step 9] 輸入姓名、電話、信用卡資料、通信地址等個人資料，然後按「Continue」按鈕進入下一步。


[Step 10] 最後檢查訂票資料是否正確，可以click “full details”查閱訂票詳情，確定資料正確後，點選“I confirm that I have accepted the User Agreement.”方格，然後按「Buy Now」確定訂票。


注意：按「Buy Now」後就不能再作修改或取消，系統正式處理訂票工作，當機位確認後，ZUJI會即時從信用卡中扣錢。

[Step 11] 當機位完成確認後，ZUJI會寄上一封訂位確認郵件到你係Step 8提供嘅電郵地址，如果機位可以係完成訂票時即時得到確認，確認郵件會即時寄出，但如果需等待航空公司進行確認，可能就需要過一兩個工作日時間。出發時，只需要出示列印出黎嘅確認郵件以及passport就可以check-in，但個別航空公司可能要求同時出示訂票時付款嘅信用卡核實。

- - - - - - - - - - - - - - - - - - - -

更新：本文已過時，請閱讀已更新的新文章：Zuji香港網站購買機票教學。