如何通過OctopusTravel網預訂酒店(廣東話版)

本篇將會為大家介紹一個有中文介面嘅訂房網站OctopusTravel訂房網，OctopusTravel訂房網係一個主要做亞太地區網上訂房服務嘅網站，除左本篇介紹嘅香港網站之外，係日本、韓國、泰國、澳洲等地均設有不同語言嘅網站，由於屬於同一平台，所以各個網站按同一條件搬尋出黎嘅酒店資料相同，而操作方式亦大致相同。以下以OctopusTravel訂房網香港網站為例，介紹訂房嘅程序。

 

[Step 1] 登入OctopusTravel訂房網主頁。

 

[Step 2] 係主頁左邊嘅酒店搜尋版面內選擇目的地(國家及城市)，填寫入住日期、入住晚數，選擇房間種類、房間數目、國籍和顯示貨幣種類；然後按「開始搜尋」按鈕進行搜尋。

 

[Step 3] 系統完成搜尋後，會分多頁顯示符合條件嘅所有酒店資料。你可以選擇按唔同標準進行重新排序，例如：按價格、按酒店名稱、按星級等；另外亦可以選擇只顯示某個星級嘅酒店，或者只顯示市內某地區嘅酒店。如果需要了解酒店詳情，可以click “詳細內容…”。 而每間酒店嘅資料中，都會顯示TripAdvisor旅客評比分數，如果需要了解旅客評比嘅詳情，可以click “查看旅客評比”。

 

註：搜尋結果中顯示嘅價格，係指包括稅項後嘅總房價，如果住宿兩日，房價係指兩日合計房價。

 

[Step 4] 從上一步中選定合心水嘅酒店後，點選要預訂嘅房間類型最右邊嘅「預訂」按鈕進入下一步。

 

[Step 5] 系統會顯示你所選擇預訂嘅酒店及住宿資料，並提示取消或更改訂房嘅收費標準。輸入住客姓名（必須要與passport上嘅姓名相同），然後點選“請勾選此方框確認您已閱讀預訂條款”旁邊嘅方格；如果需要指定非吸煙房，點選“請提供非吸煙的房間”旁邊嘅方格；然後按「預訂」按鈕進入下一步。

 

[Step 6] 系統會再顯示住宿資料，確定無誤後按「進行付款」按鈕進入下一步。

 

[Step 7] 如果你以前曾經訂過房，點選“您已經註冊了嗎?”旁邊嘅方格（系統預設選取此項），然後輸入登入E-mail及密碼，再按「遞交」按鈕進行登入。如果你今次訂房嘅個人地址資料，與上次登記資料相同，點選“和主要地址相同”旁邊嘅方格，然後輸入信用卡資料，再點選“我確認並已接受條款與條件”旁邊嘅方格，最後按「繼續」按鈕確定訂房。

 

如果係第一次使用OctopusTravel訂房，點選“第一次向我們訂購旅遊產品嗎?”旁邊嘅方格，然後輸入用作通信嘅電郵地址以及登入密碼，填寫姓名、地址、電話號碼等個人資料；如果你今次訂房嘅個人地址資料與上面登記嘅資料相同，點選“和主要地址相同”旁邊嘅方格，然後輸入信用卡資料，再點選“我確認並已接受條款與條件”旁邊嘅方格，最後按「繼續」按鈕確定訂房。

 

注意：係呢一個Step中按「繼續」後系統正式處理訂房工作，當訂房確認後，房租會即時從信用卡中扣錢。

 

[Step 8] 當訂房確認並且完成從信用卡付款手續後，你就可以登入網頁內嘅「您的帳戶」，列印訂房voucher。Check-in時，只需要向酒店出示列印出黎嘅voucher就可以。

 

- - - - - - - - - - - - - - - - - - - -

取消訂房

如果想取消之前已經確認嘅訂房，可以登入網頁內嘅「您的帳戶」，click要取消嘅訂房編號，然後按「取消預訂」就可以。如果係規定時間內取消預訂，並唔需要支付費用，不過由於房租係之前已經從你嘅信用卡中扣錢，所以需要聯絡客服中心退款，退款會直接退回你付款嘅信用卡帳戶。

 

- - - - - - - - - - - - - - - - - - - -