旅遊教室: 如何通過Jalan網預訂日本酒店(廣東話版)

Jalan網(じゃらんnet)係日本另一間著名嘅訂房網站，與樂天網一樣，Jalan網除提供網上預約酒店住宿之外，亦提供租車以及預訂高速巴士服務。本篇為大家介紹通過Jalan網預訂酒店嘅方法。

Step 1 – 搜尋目標酒店

登入Jalan網主頁後，可以採用以下三種方式來搜尋打算入住嘅目標酒店：

(A) 係地圖中逐層選擇入住地區，直至顯示酒店清單，然後從酒店清單內選擇打算入住嘅目標酒店；

(B) 直接輸入酒店名稱，然後按「檢索」進行搜尋；

以下假設打算入住嘅目標酒店係位於大阪心齋橋嘅Cross Hotel Osaka。

Step 2 – 搜尋住宿日期內有效嘅住宿計劃

如果係Step 1採用方式(C)進行酒店搜尋，可以跳過呢步，因為採用方式(C)系統已經搜尋出所設定住宿日期內有效嘅住宿計劃，無須再作搜尋。如果採用方式(A)和(B)，就需要按照本步驟搜尋住宿日期內有效嘅住宿計劃。

（乜嘢係住宿計劃？請重溫「預訂日本酒店 – 選擇酒店、住宿計劃與格價」中Step 2嘅介紹啦！）

(D) Click入「料金．宿泊プラン一覽」頁面；

(E) 設定住宿日期（留意：要消去“日付未定”左手邊方格內嘅剔號之後先可以選擇住宿日期架）、天數、房間數目以及住客人數，然後按「檢索」進行搜尋。

Step 3 – 選擇房間類型

從上步中搜尋出黎嘅住宿計劃清單中，選擇適合自己嘅住宿計劃，然後再係當中選擇房間類型。假設選擇左「日本初導入NEWアメニティ[comfort zone]～from Italy」住宿計劃嘅Twin房（下圖紅框所示），按個「詳細．予約」掣進行訂房。

註：關於租房中出現嘅主要日語嘅意思可參考「選擇酒店、住宿計劃與格價」內嘅說明

Step 4 – 進行訂房

在上步中click「詳細．予約」掣後，顯示如下圖嘅詳細資料，包括：(F)住宿日該類房間剩餘數目，及(G)房間租金；如果資料OK，可按藍色掣(H)進行預約。

與樂天網一樣，Jalan網亦接受非會員預約訂房。但係以會員身份進行訂房可以儲積分，而且登記會員資料之後亦唔需要再係每次訂房時輸入個人資料，方便好多。

(I) 如果已經係會員，可以輸入會員ID（e-mail）以及密碼登入；

(J) 如果未係會員，可以先按呢個掣進行會員登記（會員登記方法會係本篇最後部份介紹）；

(K) 如果唔想登記為會員，亦可以按呢個掣進行訂房。

以下假設你已經係會員，並以會員身份登入進行訂房。

進入訂房頁面後，輸入要求嘅以下資料：

[a] 酒店名稱
[b] 住宿計劃名稱
[c] 房間類型
* 以上三項係上一步驟中已經確定，如果要改需要返回上一步重新再黎。
[d] 入住日期
[e] 入住日數
[f] 選擇check-in時間
[g] 訂房數目
[h] 輸入住客中男、女以及小孩嘅人數

* [d]、[e]及[g]項雖然係上一步驟中已經確定，但仍可以修改。

[i] 其中一位住宿者嘅姓名（一定要用中文字）
[j] 上述住宿者姓名嘅片假名（可以係呢個網頁內將中文名轉換為片假名：http://dokochina.com/katakana.php）
[k] 郵政編號（海外用000-0000）
[l] 地址（海外選擇其他，然後用中文輸入地址）
[m] 電話
[o] 入住人嘅大概年齡
[p] 電郵地址（預約確認郵件將會寄去呢個地址）
[q] 訂房人姓名

* 如果登記左為會員，以上各項資料會按會員資料自動填寫，其中電郵地址[p]及訂房人姓名[q]唔可以修改，其餘各項可以修改，即住宿人唔一定要係會員本人。

確定資料無誤後，按藍色掣。

如果有積分可用，可以係以上頁面設定使用積分，確定無誤後，按藍色掣正式確定訂房。之後會收到e-mail確認，只要將e-mail列印出來再到入住時向酒店出示就可以check-in，房租係check-in時支付。

- - - - - - - - - - - - - - - - - - - - - - - - - - - - - -

如果你睇完呢篇教學文章仲係唔係好識用Jalan網訂房，又或者懶得睇，但又想係Jalan網訂房，咁你仲有一個選擇，就係可以搵我幫你訂房。詳情請睇呢度！

* * * * * * * * * * * * * * * * * * * *

取消訂房

如果想取消已確認嘅訂房，可以按以下步驟處理。

(1) 係Jalan網主頁click下圖藍色框嘅「予約照会・変更・キャンセル」

(2) 進入「予約照会・変更・キャンセル」頁面後，按情況選擇：

(a) 如果訂房時以會員身份預約，click (a)下面個藍色掣，然後係資料中選擇要取消嘅預約進行取消（註：因為我現時並冇任何預約，所以下圖中並冇顯示任何資料）。

(b) 如果訂房時以非會員身份預約，click (b)下面個藍色掣，然後輸入確認郵件內提供嘅預約編號和確認編號，進行取消。

溫馨提示：如果訂房之後因事唔能夠入住，請一定要提前取消。

* * * * * * * * * * * * * * * * * * * *

登記為Jalan會員

(1) 係Jalan網主頁click下圖紅色框嘅「→新規会員登録へ」

(2) Click下圖藍色掣同意條款並進入會員登記

(3) 輸入電郵地址，然後click下圖藍色掣（注意：電郵地址將會成為你會員登入代號，並且日後訂房confirmation會寄至呢個電郵。）

(4) 系統會即時寄出一封confirm郵件到你嘅電郵地址，先進入你郵箱收取電郵，然後click郵件中嘅確認連結（下圖紅色框）繼續會員登記步驟（注意：確認電郵只有24小時有效，如果超過24小時先執行此步，需要重頭再來。）

(5) Click左郵件確認連結後，再次返回Jalan網頁，輸入各項個人資料。

(a) 輸入兩次自設密碼
(b) 輸入中文姓名（唔可以用英文名）
(c) 輸入姓名嘅片假名（可以係呢個網頁內將中文名轉換為片假名：http://dokochina.com/katakana.php）
(d) 輸入nickname（用黎係Jalan網發表評論時使用）
(e) 剔選方格表示以後訂房時自動輸入個人資料
(e) 選擇出生日期
(f) 選擇性別

(g) 輸入郵政編號（海外可輸入000-0000）
(h) 選擇所在地區（海外可選擇其他）
(i) 輸入地址（只可以用中文）
(j) 輸入電話
(k) 選擇是否接收促銷郵件（選擇最後一項表示不接受）