如何使用汽車衛星導航(GPS)(廣東話版)

多得衛星導航(GPS)嘅發明，而家就算去到一個陌生嘅地方，只要車上裝有GPS照樣可以揸住架車周圍去。日本出租嘅私家車全部都裝有GPS，只要有你要去嘅地方嘅電話號碼或者map code，依照GPS指示就可以順利去到。不過亦要提醒一下，GPS亦唔係絕對準確，網上好多人都有提過曾經被GPS老點過，例如，GPS唔會知道有臨時交通改道；小城鎮內嘅特別街道GPS亦未必有資料。所以最重要係自己要識臨場判斷。

另一個令人覺得GPS老點嘅原因，相信係由於輸入嘅目的地電話號碼唔正確而造成。GPS主要依靠目的地電話號碼嘅地址黎判斷佢嘅位置，當輸入電話號碼之後，佢會帶你去到電話號碼所登記嘅地址。但係好多時我地會按照旅遊書提供嘅電話號碼黎輸入，而呢D電話唔一定準確。好多時呢D電話號碼可能係景點管理公司office嘅電話，而office唔一定係景點裡面，或者係隔離街，亦可能係十幾公里之外。所以出發前一定要先對各景點係地圖上嘅位置有所認識，當GPS顯示目的地位置時先確認是否正確，另外當去到目的地附近時，最好依靠自己肉眼來尋找最終目的地。

使用GPS時最常用亦係最簡單嘅方法係通過輸入電話黎尋找目的地，所以出發前一定要收集齊所有要去嘅地方嘅電話號碼。另外，大部份型號GPS亦可以用map code導航，不過要留意並非全部型號都有。

如果保險D，可以係plan行程時花小小時間確認一下所收集得黎嘅目的地電話號碼正唔正確。點確認？最簡單易用嘅方法係使用Google Map，方法如下：

1. 首先打開Google Map日本地圖(http://maps.google.co.jp/)，然後將地圖拉到要確認嘅電話號碼所在地附近，留意目的地位置一定要係畫面所見地圖範圍之內，如果唔係可能搵唔到；

2. 係搜尋欄內輸入電話號碼（本例輸入嘅係美瑛四季彩之丘嘅電話號碼），然後click「搜尋地圖」。
 
如果Google Map資料庫內有所輸入電話號碼嘅登記資料，會即時標示電話登記地點。如果電話登記地點多於一個，會顯示多個，只要其中一個正確就可以。如果標示位置並唔係你所要去嘅目的地，咁代表你收集返黎嘅電話號碼唔正確。如果系統顯示搵唔到資料，咁可能係輸入嘅電話號碼唔啱，亦可能係已經取消登記，又或者個電話係新登記，系統未有update資料。係咁嘅情況下，你最好嘗試搵定呢個目的地嘅map code做backup。搵map code嘅方法可參考日本自駕遊 – 計劃行程必備資料。

如果真係遇到電話號碼唔啱手上又冇map code嘅情況時，亦可以用手指係屏幕點目的地位置嘅方式黎設定目的地，只需要先將地圖放大，然後用手指點你想去嘅地方就可以，當然使用呢個方法嘅前提係你知道目的地係地圖上嘅位置。

其實GPS嘅使用並唔複雜，即使系統係日文，但因為夾雜漢字，所以一般都明白佢意思。如果係第一次用，取車時將你要去嘅第一個目的地嘅電話號碼俾租車店職員，要求佢示範一次，相信任何人都一定會好快上手。

* * * * * * * * * * * * * * * * * * * *

以下分別係豐日租車以及ToCoo Car Rent網頁上介紹嘅GPS使用說明。

 

1. Toyota GPS系統使用指南（英文）


如果想知道Toyota使用嘅Clarion MAX560HD型號GPS嘅詳細使用方法，可以click此下載詳細使用手冊（297頁全日文）。

* * * * * * * * * * * * * * * * * * * *

 

2. ToCoo GPS系統使用指南（中文）

三菱電器製的衛星導航(GPS)



PANASONIC(國際牌)製的衛星導航(GPS)


[MAZDA自動車MPV純正]的衛星導航(GPS)
 

 

如果覺得本文有用，請幫忙按一下底下的facebook或者google圖案，分享給其他人呀！