日本酒店推介 - 大阪Cross Hotel(廣東話版)

大阪Cross Hotel係我到日本旅行入住嘅第一間酒店，亦因為Cross Hotel嘅緣故，令我對日本酒店嘅質素留下美好嘅印象，值得推介。

 

大阪Cross Hotel係2006年度開業，先後獲tripadvisor評為2009年度日本最佳酒店，以及入選2010年度米芝蓮二星級酒店。所以，質素有一定保證，亦因此好受到日本自由行旅客歡迎，網上評價極高；而酒店係樂天訂房網嘅住客評分，亦高達4.5分。

 

 

Cross Hotel嘅裝修走時尚簡約路線，令人感覺相當舒服。另外，住過Cross Hotel嘅朋友相信大部份人會對佢嘅浴室相當滿意。日本因為土地貴，所以一般酒店浴室設計得好細，入到去感覺就好似入到船倉一樣，所以有時因為錯覺影響，一入浴室大腦會產生搖晃嘅錯覺。但係當你進入Cross Hotel嘅浴室，感覺就完全唔同，佢嘅浴室地方寬敞，令人感覺相當舒服。

 

 

另一個令旅客喜愛大阪Cross Hotel嘅原因，係佢優越嘅地理位置。大阪Cross Hotel位於旅客必到嘅大阪飲食購物集中地 - 道頓堀與心齋橋筋交界嘅戎橋側邊。如果入住Cross Hotel，你可以買完嘢即時放返入房再出去掃貨，又可以行完街上房休息一陣再返落去搵嘢食，超方便，相個係大阪冇另一間酒店比得上佢。

 

 

由關西機場去大阪Cross Hotel嘅交通亦相當方便，乘坐南海電鐵，由關西空港只需35分鐘就可以直達南海電鐵難波總站。而由難波總站步行大約10分鐘就到Cross Hotel。

 

由難波站去Cross Hotel，應該由北出入口出，然後進入戎橋筋商店街，直行過左戎橋轉左，行出路口右手邊果座就係Cross Hotel。

 

大阪Cross Hotel屬中價酒店，Semi-double房平日大約每人5,500円（兩人入住，唔包早餐），Double或Twin房大約每人6,500円（兩人入住，唔包早餐）。

 

預訂Cross Hotel酒店可以通過旅行社，亦可通過訂房網站在網上預訂，例如日本樂天訂房網、樂天英文網頁、Jalan net、OctopusTravel訂房網、Agoda訂房網等，一般網上預訂比旅行社平10%~15%。另外Cross Hotel官方網頁亦有提供網上訂房服務，通過Cross Hotel網頁訂房嘅價格與樂天訂房網嘅價格相同，不過通過樂天訂房有1%積分回贈，比較著數，而且有時酒店推出嘅某D特別優惠，只有通過樂天訂房先可以享有，例如最近Cross Hotel推出5至6月份會員獨享免費早餐嘅優惠，只限已經係Cross Hotel網頁登記為會員嘅人士預訂，但就只限通過樂天預訂，係酒店網頁反而冇呢隻優惠。另外，樂天網亦周不時有自己一D優惠promotion，所以，推薦使用樂天訂房網。

直接通過樂天網預訂大阪Cross Hotel >> Click here

直接通過Jalan net預訂大阪Cross Hotel >> Click here

 

另外，訂房前不妨先到HotelsCombined比較一下日本訂房網以外其他訂房網站提供的訂房價格。

* * * * * * * * * * * * * * * * * * * *

酒店資料：

名稱：クロスホテル大阪（Cross Hotel Osaka）

地址：〒542-0085大阪府大阪市中央区心斎橋筋2-5-15

電話：06-6213-8281

網址：http://www.crosshotel.com/osaka/