旅遊教室: 如何登記為樂天會員(廣東話版)

雖然唔係樂天會員亦可以通過樂天網訂房，但因為成為會員可以儲積分，而且亦可以免卻每次訂房時都要填寫一次資料嘅麻煩，所以推薦先登記為會員。

(1) 首先進入樂天網首頁，click「無料会員登録」。

(2) 拉到網頁中間，click紅色按鈕進入會員登記網頁。

(3) 按照要求填寫各項資料。其實樂天網嘅會員登錄唔係好複雜，要填寫嘅資料除左主要以漢字標示之外，亦有英文，所以基本上都明白點填，以下簡單介紹一下。(Note: 而家樂天會員登記已經有全英文介面，而且唔需要填寫姓名嘅日文片假名，只要系統detect到你嘅IP來自外國，就會自動跳至英文介面，見本文末段圖片。) (英文版的會員註冊流程，可參考日本樂天旅行訂房：Step 1 – 登記為樂天會員)

(A) 輸入電郵地址；
(B) 輸入多一次電郵地址；
(C) 選擇用戶ID，可以使用電郵地址作為ID，亦可以自己create一個user ID，如果用電郵地址作為ID，click第一個選項，如果自己create一個user ID，就click第二個選項然後輸入user ID；
(D) 輸入密碼；
(E) 輸入正確姓名，應與passport相同，可以打中文或英文(葡文)；
(F) 輸入姓名嘅片假名，方便酒店人員讀出你姓名嘅發音；(Note: 如果使用全英文介面登記，唔再需要填寫姓名嘅日文片假名)
要搵出你姓名嘅片假名有幾種唔同方法，最簡單方便可以用網頁http://dokochina.com/katakana.php，只需要輸入中文全名，click下個掣就可以翻譯出個片假名。

(G) 輸入郵政編號，外國人可以輸入“000 - 0000”；
(H) 選擇所在縣，只需將下拉式選單拉到最下，選擇“國外”就可以；
(I) 輸入所在城市，可以輸入Macau或者Hong Kong；
(J) 輸入詳細地址；
(K) 輸入電話號碼；
(L) 手機電郵地址，無須輸入；
(M) Nickname，無須輸入；
(N) 選擇出生日期；
(O) 選擇性別。