旅遊教室: 如何通過樂天網預訂日本酒店(廣東話版)

上篇介紹左網上預訂日本酒店四步曲嘅前三個步驟 - 選擇酒店、住宿計劃與格價，跟住落黎會分幾篇介紹正式訂房嘅步驟。呢一篇先介紹通過日本訂房網站樂天網訂房嘅經驗。樂天網係日本其中一間最多港澳台人士使用嘅著名訂房網站，除左提供網上預約日本國內酒店住宿之外，亦提供租車、預訂高速巴士服務以及世界各地酒店訂房服務。

日本嘅訂房網站好多時都會推出各類唔同嘅優惠，而且又可以儲積分，所以通常透過訂房網訂房大多數情況下會較直接向酒店訂房平，而且手續比起上酒店網頁訂房簡單方便得多。

上篇中已經介紹左點樣進入樂天網選擇酒店同埋住宿計劃，係呢度唔再重複。假設你已經選擇好住大阪Cross Hotel，並且已經入左樂天網內酒店嘅detail頁。

如果你睇完我幾篇教學文章仲係唔係好識用樂天網訂房，又或者懶得睇，但又想係樂天網訂房，咁你仲有一個選擇，就係可以搵我幫你訂房。詳情請睇呢度！

(1) 首先click「宿泊プラン一覽」icon，進入住宿計劃一覽表。

(2) 然後搵返你已經睇中嘅plan（每個plan入面會按房間類型同埋是否吸煙再細分）。假設你選擇左「日本初導入！NEWアメニティ[comfort zone]付き宿泊プラン」呢個plan，打算訂「コンフォート・ツイン【禁煙】」房（兩張床嘅雙人房），兩個人入住。

留意：

(i) 因為冇設定入住日期，所以價錢顯示由最低至最高嘅range{6,500円～9,000円/人}，一般平日房租會係最低個價，而星期六同埋假期就會係最高果個。想知道有冇房以及當日房價，可以click橙色按鈕。

(ii) 你亦可以先輸入入住日期、人數以及房間數目資料，然後按條件進行search。

(iii) 按入住日期search出黎嘅list，房價會顯示當日實際房價而唔係個range，而且檢查空室嘅橙色按鈕會變成紅色予約按鈕（因為唔需要再check有冇房）。

(3) Click左檢查空室嘅橙色按鈕（假設冇按入住日期search），會以日曆顯示各日空房情況以及各日房價。

(4) Click入住日期之後會顯示訂房資料，如果確定無誤可以去下一步，正式訂房。

(5) 進入樂天網訂房程序（如果之前已經按入住日期search，咁click入紅色予約按鈕之後會直接黎到呢頁）。係呢個step需要輸入樂天會員資料，如果已經係會員，咁就係位置(a)輸入登記時使用嘅e-mail，位置(b)輸入密碼，再按(c)個按鈕去下一步；如果唔係樂天會員，亦可以按(d)個按鈕進行訂房。

樂天會員登記方法介紹，請參閱「登記為樂天會員」一文。如要直接進入樂天會員登記頁面，可click here。

(6) 以會員身份登入後進入訂房程序step 2。係呢個step需要輸入以下一D資料：

(a) & (b) 住客姓名；只需要其中一位住客，如果係日本人需要輸入片假名，但外國人可以輸入英文名（要與passport上相同）。
(c) 輸入住宿嘅男女住客人數。
(d) 輸入聯絡電話。
(e) 輸入大約到達酒店check-in時間。
(f) 選擇是否保留資料作為下次訂房時使用，三個選項順序分別係：使用本次輸入資料，使用上一次保留嘅資料，不保留資料。

(g) 選擇付款方式，點選“現地決済”表示入住時以現金支付。

(h) 如果有其他特別要求，可以係備考欄輸入，不過要打日文。
(i) 如果以前用過樂天網訂房，會有點數可以用黎扣減今次房租，一分等於一円；可以填上要使用嘅點數，然後按下“決定”按鈕。

(j) 確定所有輸入資料正確無誤之後，按下紅色按鈕確認訂房（留意：按下呢個按鈕之後訂房就完成架啦）。

(7) 跟住會顯示予約編號，再確定收取訂房confirmation嘅e-mail地址，然後按下確認按鈕就完成整個訂房程序架啦。之後會出現一頁confirm訂房資料嘅網頁，內容同寄去你e-mail地址嘅confirmation相同。

留意：

(i) 完成訂房程序之後一般仲需要經過一段處理時間，所以樂天網並唔會即刻寄封confirmation e-mail俾你，通常會遲D先收到，如果你係夜晚訂，一般第二日會收到。

(ii) 收到confirmation記得print出黎帶埋去，check-in時俾酒店reception就OK架啦。

* * * * * * * * * * * * * * * * * * * *

取消訂房

如果完成訂房之後需要取消(或者縮短住宿天數)，可以按以下步驟處理。

(1) 係樂天網首頁click「個人ページ（予約の確認・変更・取消）」，如果已經登錄左，會直接進入會員個人頁面，如果未登錄，會進入會員登錄頁面。

(2) 如果有已經訂房嘅record，係會員個人頁面會顯示“國內宿泊X件”字樣（下圖藍框），click“國內宿泊X件”之後會顯示已訂房嘅詳細資料。

注意有時候係會員個人頁面上會顯示“現在の成立予約は、上記【現在の予約】よりご確認ください”而不是“國內宿泊X件”（下圖藍框），但操作相同。

(3) 如果有已經訂房嘅record，會顯示已訂房嘅詳細資料。從顯示嘅已訂房資料中搵出要取消嘅訂房（留意：予約狀況顯示為“予約受付處理中”表示仍未confirm，如果已經confirm會顯示"予約受付済"），然後按紅色箭咀指住嘅按鈕。