日本租車公司(廣東話版)

日本有多間租車公司，而且都可以透過網頁預約租車，手續非常方便。大體上，日本嘅租車公司可以分為以下三類：

 

第一類係日本幾間大車廠開設嘅租車公司，例如：

 

豐田租車店（英文網頁）

豐田(札幌)租車店（英文網頁 / 中文網頁）

【租車教學 >> 如何通過日本豐田租車店預約租車】

 

萬事得租車店

【租車教學 >> 如何通過日本萬士得租車店預約租車】

 

日產租車店

 

本田租車店 [經Nippo租車店、ORIX租車店以及OTS租車店]*

本田(札幌)租車店（英文網頁）*

* 本田車廠只係北海道開設有自己嘅租車店，而日本其他地方並冇自己品牌嘅租車店，不過佢同Nippo租車店、ORIX租車店以及OTS租車店之間有合作，客人可以透過呢三間租車公司指定租用本田嘅車輛。

 

車廠自己開設嘅租車公司只出租自己牌子嘅車輛，而通過佢地租車嘅最大好處，係租車時可以選擇指定型號嘅車輛，而且完成手續之後可以即時確認，無須再等e-mail回覆。

 

第二類係專門經營租車業務嘅租車公司，例如：

 

JR駅租車店

 

Nippo租車店（札幌分店英文網頁 / 札幌分店中文網頁）

 

ORIX租車店

 

OTS租車店（中文網頁）[只得北海道及沖繩有分店]

 

J-net Rent a Car

 

Budget Car Rental（英文網頁）

 

Sky Rent a Car（北海道 / 九州 / 沖繩）

 

呢類租車公司有自己嘅店舖，出租自置嘅唔同牌子車輛，不過通過呢類租車公司預約租車嘅時候，只可以選擇租邊個級別(class)嘅車輛，一般並唔可以選擇指定牌子及型號。

 

第三類係租車代理，例如：

 

樂天租車網

【租車教學 >> 如何通過日本樂天網租車】

 

Jalan租車網

 

ToCoo租車網（英文網頁 / 中文網頁）

【租車教學 >> 如何通過ToCoo Car Rental租車】

 

北海道租車網

 

呢類只係租車代理人，並唔係真正嘅租車公司，佢地並冇自己嘅車輛以及店舖，而佢地嘅工作，只係為你安排向第一、二類租車公司租車。通過租車代理租車時，你可以選擇向邊間租車公司租車，但並唔可以選擇指定型號。

 

唔同租車公司通常有唔同嘅經營策略以及promotion，所以租車價錢每間均有一定差別，租車時可以上唔同租車公司網頁格下價。